ಸುಮ್ಮನೆ ಗೀಚಿದ ಸಾಲುಗಳು

1)

ಸಂಜೆಗತ್ತಲು ಕಳೆದಿದೆ
ಮಸುಕು ಮಂಜು ಹಾಗೆ ಇದೆ 
ಸುಮ್ಮನೆ ಕದಡುತಿದ್ದ
ನವಿರುಗನಸುಗಳನ್ನು
ಬಿತ್ತರಿಸುತ್ತಲಿದ್ದಾಗ
ನಿನ್ನ ಮುಖ ಇನ್ನು ಹಾಗೆ ಇದೆ
ಮೊನ್ನೆ ಕಂಡ ಮುಂಗಾರಿನ ಇಬ್ಬನಿಯಂತೆ.

2)
ಕಾಲಗಳು ಉರುಳುತ್ತಲೇ ಇವೆ
ಕನಸುಗಳು ಹೊಸೆಯುತ್ತಲೇ ಇವೆ
ಎಲ್ಲೋ ನೋಡಿದ ನೆನಪುಗಳು ಹಾಗೆ ಇವೆ

3)
ಕನಸುಗಳಿಗೆ ಕನ್ನಡಿ ಇಟ್ಟು
ಮುಖ ನೋಡಿದೆ
ಎಲ್ಲೋ ಇದ್ದ ಮನಸ್ಸು
ಕತ್ತಲಿಗೆ ಮರುಗಿತ್ತು.

4)
ನಿನ್ನ ನೋಡುತ ಕನಸುಗಳಿಗೆ
ಮುಂಗಾರು ನೆನಪಿಸಿದೆ
ಆ ಸಂಜೆಯ ಇಳಿಗನಸು
ಒಮ್ಮೆಗೆ ನನ್ನತ್ತ ತಿರುಗಿತು

11-02-2016 ಮಂಜುನಾಥ ನರಗುಂದ