ಕನಸು ಕಾರಣ.....

ಒಂದು ಕನಸು ಕಾರಣವಿಲ್ಲದೆ
ಬೀಳಬಹುದು
ಕಡು ಹಗಲಿನಲ್ಲೂ
ಕಡು ರಾತ್ರಿಯಲ್ಲೂ
ಅಗೋಚರ ಅಸಂಗತ
ಅನವರತ, ಅನಂತ
ದೂರಕೆ ಕೈಚಾಚಿ
ಹಿಂಬಾಲಿಸಿ ಮುಂಬಾಲಿಸಿ
ಓಡುತ್ತಲೇ ಇರುವ
ಗಳಿಗೆಯ ಮರೆತು
ಆ ಚಣದಿಂದ
ತಡವರಿಸಿ,ಅವಕ್ಕಾಗಿಸಿ
ಎಲ್ಲೋ ಅಲೆದಾಡಿ
ಇತ್ತಲು ಬಂದ ಆ ಕನಸು
ಅಕ್ಷಿಪಟಲದ ಹಂಗಿಲ್ಲದೆ ರಾರಾಜಿಸಿ
ಏಕತಾನ್ಮಯ ,ತಿರುಕ
ಜಾತಿಯ ಈ ಮುರುಕು
ಕನಸು
ಒಮ್ಮೆಹಿಡಿದ ದಾಟಿಯ
ಆವೇಗಕೆ ಬೆನ್ನತ್ತಿ
ನಿಲ್ಲದೆ ಕುಣಿದು ಕುಪ್ಪಳಿಸುತ್ತದೆ
ಅಮಲಿನ ಆವೇಶ
ಮೈ ತಾಗಿ
ಮನಸ್ತಟಲಕ್ಕೆ ಮುಪ್ಪೋ
ಅದು ಯವ್ವನವೋ
ದ್ವಂದ್ವಗೋಚರದ ಸಾಕ್ಷಿಕರಿಸಿ,
ಹೂಂಕರಿಸಿ ಜೇಂಕರಿಸಿ
ಹಗಲುಗತ್ತಲಗಳ
ನಡುವೆ ಕುಂತು
ಒಬ್ಬಂಟಿ ಹುಚ್ಚುತನಕ್ಕೆ
ಸಹ ವೀಕ್ಷಕನಾದದ್ದು
ಈ ಕಣ್ಣುಗಳು ಮಾತ್ರ

03-11-2015 ಮಂಜುನಾಥ ನರಗುಂದ

ಕಪ್ಪು ಸುಂದರಿ.......

ಕತ್ತಲಿಗೂ ಬೆಳಕು 

ಬೆಳಕಿಗೂ ಕತ್ತಲು 

ಈ ಬಂಧ ಬ್ರಮಿಸಿ 

ಬದುಕ ಹೊರಡಿಸಿ 

ಕೆತ್ತಿದ ಜಕಣ

ಮರುಳಾದ ಮನ ಗ್ರಹಿಸಿ

ಕಪ್ಪು ಸುಂದರಿಯ ಮೋಹಿಸಿ 

ಅಲಂಕಾರ ತೊಡಿಸಿ

ರಂಬೆಯೋ ತಿಲೋತ್ತಮೆಯೋ 

ಮಯೂರ ನಾಟ್ಯದ 

ಅಣುಕು ರಾಣಿ

ಈ ಮಯೂರಿ

ಶಾಂತ ಶೃಂಗಾರ 

ವೀರಾದಿ  ಅದ್ಬುತಗಳ 

ನವರಸದ ಗಣಿ 

ಈ ಸಪ್ನ ಮಂಜರಿ

ಜಕಣನ

ಕಪ್ಪು ಸುಂದರಿ,,,,, 

21-10-2015                                                                         ಮಂಜುನಾಥ ನರಗುಂದ 

ಬುಧವಾರ

ಯಾರು......?

ಕಲ್ಲುಗಳ ಕಟೆದು ನಿಲ್ಲಿಸಿ

ವೀರದೀಕ್ಷೆ ಕೊಟ್ಟು

ವೀರಗಲ್ಲು ನಡಿಸಿದವರಾರು....?

ಹಿಂದಣದಿಂದ ಮುಂದಣದವರೆಗೆ

ಗೂಟುಗಲ್ಲು ನಿಲ್ಲಿಸುತ್ತಾ ಅಮರ

ಎನ್ನುವ ಪಿಸಾಚಿಗಳಾರು....?

ಕರ್ಮವೇ ನಮ್ಮ ಕರ್ಮಣ್ಯ

ಎಂದು ಧರ್ಮಗ್ರಂಥ

ಬರೆದವ ಅರಚುತ್ತಾ

ಕಾಲವನ್ನು ಕಾಲಡಿಯಲಿಟ್ಟ

ಆ ಪರಮಾತ್ಮನಾರು...?

ಈ ಗೋರಿಗಳು ಇಲ್ಲೊಂದು

ಅಲ್ಲೊಂದು ಎನ್ನುತ್ತಲೆ

ಹುಟ್ಟು ಇತಿಹಾಸ ತಮ್ಮದೆನ್ನುವ

ಆ ಪುಣ್ಯ ಪುರುಷನಾರು....?

ಗಾದೆಯಿಂದ ವೇದದವರೆಗಿನ

ಸೂಳ್ನುಡಿಗಳ ಸುತ್ತಿ

ಹಳ್ಳಿ ಪುರದವರ ಇತಿಹಾಸ ಬರೆಯದ

ಆ ಮೇಧಾವಿ ಗ್ರಂಥಕರ್ಥನಾರು.....?

ಮೈಕಾಸುರನಿಂದ ಅಬ್ಬರಿಸಿ

ದೇಶಕಟ್ಟಿದವರೆಂದು ಶಂಕುಸ್ಥಾಪನೆ

ಮಾಡಿದ  ಆ ಜನನಾಯಕರು

ಮಂಕುಬೂದಿ ಎರೆಚಿದ್ದು

ಮಹಡಿ ಮಹಲು ಕಟ್ಟಿದ

ಕಾರ್ಮಿಕರಿಗೆ,

ಉತ್ತಿ ಬೆಳೆದ ರೈತರಿಗೆ,

ಬೀದಿಯಲಿದ್ದ  ಕಮ್ಮಾರ, ಚಮ್ಮಾರ,

ಕುಂಬಾರ, ಮಡಿವಾಳನಿಗೆ.

ದೇಶ ಕಟ್ಟಿದ್ದು ಇಂತಹ

ಸಾಮನ್ಯರಲ್ಲದೆ ಮತ್ತಿನ್ಯಾರು.....?

ಮಂಜುನಾಥ ನರಗುಂದ

ಹೈದರಾಬಾದ ಕೇಂದ್ರೀಯ ವಿಶ್ವವಿದ್ಯಾನಿಲಯ

ಹೈದರಾಬಾದ-500046

ಒಂದು ಕ್ಷಣ ಹೀಗಾದಾಗ......!

ಒಂದು ಕ್ಷಣ ಹೀಗಾದಾಗ
ಇತಿಹಾಸ ಕೆಣಕುತ್ತಲೇ ಇತ್ತು
ಜೀವಂತ ಸಾಕ್ಷಿಪ್ರಜ್ಞೆಯೊಂದಿಗೆ ಬದುಕುತ್ತಾ
ನಿನ್ನೆ ಮೊನ್ನೆಗಳ ಆ ಘಟನಾ ಗುಚ್ಚಗಳ
ಸರಣಿಯೊಂದಿಗೆ

ಒಂದು ಕ್ಷಣ ಹೇಳುತ್ತಲೇ ಇತ್ತು
ಬುದ್ದ,ಸ್ರಮಾನ,ಅಜೀವಿಕ,ಚಾರ್ವಕದ
ಸಂಘರ್ಷ ಧಮ್ಮದಿಂದ ಕೂಡಿ
ಧರ್ಮದೊಂದಿಗಿಳಿದಾಗ
ಧರ್ಮಸಂಕಟ ಎಲ್ಲೆ ಮೀರಿ
ನುಸುಳಿತ್ತು ಧಮ್ಮದೊಳಗೆ,
ಆಗ ಸಮಾನತೆಯ ಮುಖವಾಡವಾಗಿ
ಬಿದ್ದಿದ್ದು ಈ ಧರ್ಮ.

ಒಂದು ಕ್ಷಣ ಹೇಳುತ್ತಲೇ ಇತ್ತು
ಬಸವಣ ಕಾಯಕತತ್ವ
ಅನುಭವಮಂಟಪವೆಂಬ ಪಾರ್ಲಿಮೆಂಟಿನಿಂದಿಡಿದು
ಬಿದಿಯವರೆಗಿಳಿದಾಗ ಕಲ್ಯಾಣದ ರಾತ್ರಿಗಳೆಲ್ಲ
ಮರಣಹೋಮವಾಗಿದ್ದವು.

ಒಂದು ಕ್ಷಣ ಹೇಳುತ್ತಲೇ ಇತ್ತು
ಮಹಾತ್ಮನೆಂಬ ಅರ್ಧನಗ್ನ ಸಂತ ಹಿಡಿದ
ಪ್ರಾರ್ಥನೆ,ಶಾಂತಿ-ಅಹಿಂಸೆಯೆಂಬೆರಡು
ಸೂತ್ರಗಳಿಂದಾದ ಸ್ವಂತಂತ್ರಕ್ಕಾಗಿ.
ಧರ್ಮದ ಅಜ್ಞಾನ ಕೋಮುದಲ್ಳೂರಿಗೆ ದೂಕುತ್ತಲೆ
ಹತ್ತ್ಯೆಗೈದದ್ದು ಈ ಫಕೀರನನ್ನು.

ಒಂದು ಕ್ಷಣ ಮತ್ತೆ ಸಂಭವಿಸಿತು
ನಾನಿದ್ದ ಕಾಲದಲಿ
ಕಲಬುರ್ಗಿಯೆಂಬ ಶರಣ
ಮಹಾಮಾರ್ಗ ಹೆಕ್ಕುತ್ತಲೇ ಇದ್ದ
ಷಟಸ್ತಲಗಳ ಮದ್ಯನಿಂತು
ಮೂಲಭೂತವಾದವೆಂಬ ಅಂಧ-ಶ್ರದ್ದೆಗಳ
ಎದುರು ನಿಂತು
ಕಲ್ಯಾಣದ ಬಾಗಿಲು ತೆರೆಯುತ್ತಲೆ ಕಾಲವಾದದ್ದು
ಆ ಕ್ಷಣ ಮಾತ್ರ, ವಿಚಾರಗಳಲ್ಲ.

08/09/2015 

ಮಂಜುನಾಥ ನರಗುಂದ

ಅದೃಶ್ಯ.....

ನನ್ನ ಕಣ್ಣುಗಳು ಅದೃಶ್ಯವಾಗಿವೆ

ಕಾಲಗಳು ಉರುಳಿದ ರೀತಿಯನ್ನು
ಕಲ್ಪನೆಗಳಲಿ ಕಾಣುವಾಗ
ಶತಮಾನಗಳ ಹಿಡಿಕೆಯಲಿ
ಬಂದಿಸಿಟ್ಟ ನಮ್ಮ ಅಜ್ಜ ಅಮ್ಮಂದಿರ
ಕಥನಗಳೊಂದಿಗೆ.

ಮಂಜುನಾಥ ನರಗುಂದ

ಮುಕ್ತ ಬಾರು 

ರಸ್ತೆಗಳೋಡುತ್ತಿವೆ
ಜಗಮಗ ದೀಪಗಳ ಸಾಲಿನೊಂದಿಗೆ
ಆ ಕಡೆ ಈ ಕಡೆಯ ಇಕ್ಕೆಲದ
ಬೀದಿಗಳಿಂದ ,ನಿಲ್ಲದ ರಾತ್ರಿಗಳು
ಬೆಳಕನು ಪಠಿಸುತ್ತಿವೆ.

ಇತ್ತ ಮುಕ್ತ ಬಾರು
ಅಮಲಿನ ಕಾರು ಬಾರಿಗೆ
ತೀರ್ಪುಗಾರನಾಗಿ
ನೆಳಲು ಬೆಳಕಿನ ಕವಲುಗಳಿಗೆ
ಮಂದ ಬೆಳಕನಿಟ್ಟಿದೆ.

ದಿನವಿಡಿ ಜರಗುವ
ಈ ಧ್ಯಾನ ನಿಲ್ಲದೆ,ಭಾರಣಿಯ
ತಳುಕಿಗೆ ದುಂಬಾಲು ಬಿದ್ದು
ಕುಣಿದು ನಿಲ್ಲಿಸಿದ್ದು ಮಾತ್ರ,
ಶ್ರೀ ಲಕ್ಷ್ಮಿ ಕೈ ಬಿಟ್ಟಾಗ......!


 19-10-2015
ಸೋಮವಾರ                       ಮಂಜುನಾಥ ನರಗುಂದ